ಮನಸಿನ ದಾಹವ ತಣಿಸುವ ಆಸೆ
ಸಾಗರಕೆ ಗಾಳವ ಹಾಕುವ ಕೂಸೆ!
ಗಾಳಕೆ ಸಿಗದ ಗೀಳುಗಳೆಷ್ಟೋ
ಗಾಳವ ನುಂಗಿದ ದಿನಗಳೆಷ್ಟೋ !
ಮರುಳಾದೆ ನಿನ್ನ ತುಂಬು ಪ್ರೀತಿಗೆ
ಘಾಸಿಮಾಡಿದೆ ಹೃದಯವ ಆ ನಗೆ!!
ಮನಸಿನ ದಾಹವ ತಣಿಸುವ ಆಸೆ
ಸಾಗರಕೆ ಗಾಳವ ಹಾಕುವ ಕೂಸೆ!
ಮರೆಯಬೇಡ ಮಮತೆಯ ಜೀವವೇ
ಸ್ಫೂರ್ತಿಯ ಸೆ(ಅ)ಲೆಯಲಿ ಮಿಂಚಿದೆ ಬಾಳು
ಶಾಂತವಾಗದು ಕಾತುರ ಏಕಾಂತ ಹೃದಯ
ಮರೆಯಲಾಗದು ನಿರಂತರ ಪ್ರೀತಿ ಶ್ರೀಹರಿಯ !!
ಮನಸಿನ ದಾಹವ ತಣಿಸುವ ಆಸೆ
ಸಾಗರಕೆ ಗಾಳವ ಹಾಕುವ ಕೂಸೆ!
ನೀ ನನ್ನ ಸ್ವರ್ಣ ಮಲ್ಲಿಗೆ-ಸಂಪಿಗೆ
ಮರುಳಾದೆ ನಿನ್ನ ಪ್ರೀತಿಯ ಅಲೆಗೆ !!
ಹೃದಯ ಘಾಸಿಮಾಡಿತ್ತು ನಿನ್ನ ಆ ನಗೆ
ಬಲೆ ಬಿಸಿತ್ತು ಮನಕೆ ನಿನ್ನ ಸಲಿಗೆ !!
ಮಿಂದಿರುವೆ ನಿನ್ನ ಪ್ರೀತಿಯ ಸೆಲೆಗೆ
ಓ ಕೊಡುವೆಯಾ ನನ್ನ ಪ್ರೀತಿಯ ಕರೆಗೆ !!
ಮರುಳಾದೆ ನಿನ್ನ ತುಂಬು ಪ್ರೀತಿಗೆ
ಕೋಟಿ ಕೋಟಿ ನಮನಗಳು ನನ್ನ ಪ್ರೀತಿಯ ಶ್ರೀ ಹರಿಗೆ !!
ಸಿರಿಯ ತೇರಿನಲ್ಲಿ ಮೆರೆವ ಹರಿಯನಿಂದು ಕಾಣೆಯಾ
ಸದಾ ಬಾನಲ್ಲಿ ಮೆರೆವ ಮನವೆ ಹರಿಯದೊಂದು ಆಣೆಯಾ !
ಸರಿಯ ತಪ್ಪು ತಿಳಿಯೇ ನಾನು ನಿನ್ನ ಮಾತ್ರ ಮರೆಯೆನು
ನನ್ನ ಕಷ್ಟ ನಿನ್ನದೆಂದು ತಿಳಿದು ನನ್ನ ಬೆಳೆಸೆಯಾ
ಮರೆಯಲಿದ್ದು ಮಾಡುತಿರುವೆ ನನ್ನದೆಂಬ ಕೀರ್ತಿ ಕೆಲಸವ
ನಾನು ಮಾಡಿಹೆನೆಂಬ ಕಾರ್ಯಗಳ ಪ್ರೀತಿಯಿಂದ ಕ್ಷಮಿಸೆಯಾ !!
ಸಿರಿಯ ತೇರಿನಲ್ಲಿ ಮೆರೆವ ಹರಿಯನಿಂದು ಕಾಣೆಯಾ
ಸದಾ ಬಾನಲ್ಲಿ ಮೆರೆವ ಮನವೆ ಹರಿಯದೊಂದು ಆಣೆಯಾ !
ಮಡದಿ ಮಕ್ಕಳೆಂಬ ಮರಳುನಾಡಿನಲಿ ಅಮೃತದಂತೆ ಬಂದೆಯಾ
ನೀನು ಕೊಟ್ಟವೆಲ್ಲ ಭಾಗ್ಯವೆಂಬ ವಿಷಯವ ಈಗ ನಾನು ಅರಿತಿಹೆ
ನಿನ್ನ ನಾಮಾಮೃತವೆ ಚೆಂದ ಅದ ಅರಿಯುವ ಹಾಗೆ ಮಾಡೆಯಾ
ಗೂಡು ಹಕ್ಕಿ ಹಾಗೆ ನನ್ನ ಹೃದಯ ಮಂದಿರದಲಿ ನೆಲೆಸೆಯಾ !!
ಸಿರಿಯ ತೇರಿನಲ್ಲಿ ಮೆರೆವ ಹರಿಯನಿಂದು ಕಾಣೆಯಾ
ಸದಾ ಬಾನಲ್ಲಿ ಮೆರೆವ ಮನವೆ ಹರಿಯದೊಂದು ಆಣೆಯಾ !
ಹೇಳುವೆ ನಿನಗೆ ಸುಪ್ರಭಾತ ....
ನಿನ್ನ ಗೆಳೆತನ ನನಗೆ ಪಾರಿಜಾತ ....
ಪ್ರೀತಿಯಿಂದ ಉಣಬಡಿಸುವೆ ಕೇಸರಿಬಾತ ....
ಮರೆಯದಿರಲಿ ನಮ್ಮನು ಮಮತೆಯ ಏಕದಂತ ....
ಬೆಳೆಸು ನಮ್ಮ ಗೆಳೆತನ ಶ್ರೀ ರಾಮಧೂತ್ ....
ಹೃದಯ ಮಂದಿರದಲ್ಲಿ ನೆಲೆಸಲಿ ದಶರಥ ಸುತ ....
ಈಗ ಬಂದಿದೆ ನನಗೆ ಮೂಡು ..
ನಾನು ಬರೆಯುವೆ ಒಂದು ಹಾಡು..
ತಿಳಿದವರಿಗೆ ಹಣ್ಣಿನ ಸಲಾಡು..
ಅರಿತವರಿಗೆ ಬುನ್ದೆ ಲಾಡು..
ಕೇಳ ಬೇಡಿ ಈ ಕವಿಯ ಪಾಡು ..
ಹೊಟ್ಟೆ ತುಂಬಾ ಇದೆ ಕವಿತೆಯ ಗೂಡು ...
ನಿಮ್ಮನ್ನು ಸತಾಯಿಸದೆ ಬಿಡಲಾರೆ ನೋಡು ...
ಕೇಳದಿದ್ದರೆ ನನ್ನ ಪ್ರೀತಿಯ ಹಾಡು ...
