Saturday, March 26, 2011

ನಮ್ಮ ಪ್ರೀತಿ

ಅವಳು ಪ್ರೀತಿಯ ಆಳ ಅರಿಯಲಿಲ್ಲ
ನಾನು ಪ್ರೀತಿಸಿ ಮೇಲೆ ಏಳಲಿಲ್ಲ
ಬತ್ತಿ ಹೋಯಿತೆ ನಮ್ಮ ಪ್ರೀತಿ

ಮುತ್ತು ಉಂಟು ಚಿಪ್ಪಿನಲ್ಲಿ
ತುತ್ತು ಮರೆಸಿತು ರೆಪ್ಪೆಯಲ್ಲಿ
ಹನಿಯಾಗಿ ಉರುಳಿತೆ ನಮ್ಮ ಪ್ರೀತಿ

ಚಂದ್ರನಿರುವ ಬಾನಿನಲ್ಲಿ
ಚುಕ್ಕೆಗೆಲ್ಲಿ ಜೀವ ಕಳೆ
ಮಿಂಚಿ ಮರೆಯಾಯಿತೆ ನಮ್ಮ ಪ್ರೀತಿ

ರಾಗದಿ ನುಡಿಸಿದ ಗಾನದಲ್ಲಿ
ತಾಳ ತಪ್ಪಿ ಬಾಳಿನಲ್ಲಿ
ಸಂತೆಯಲ್ಲಿ ಸಂಗೀತವಾಯಿತೆ ನಮ್ಮ ಪ್ರೀತಿ

ನಶೆಯೂ ಉಂಟು ಶೀಷೆಯಲಿ
ದಿಶೆಯ ತಪ್ಪಿ ಗುಂಗಿನಲಿ
ಗಾಳಿಪಟದಂತೆ ತೇಲಿಹೋಯಿತೆ ನಮ್ಮ ಪ್ರೀತಿ