Showing posts with label ಪ್ರೀತಿ ಹನಿಗಳು. Show all posts
Showing posts with label ಪ್ರೀತಿ ಹನಿಗಳು. Show all posts

Monday, September 27, 2021

ಹಾಲಿನಂತಿರುವ ಹಾಳೆಯಲಿ

ಹಾಲಿನಂತಿರುವ ಹಾಳೆಯಲಿ
ನಿನ್ನ ಹೆಸರೇ ಬರೆಯುವೆ

ಹಾಲಿನಂತಿರುವ ಹಾಳೆಯಲಿ
ನಿನ್ನ ಹೆಸರೇ ಬರೆಯುವೆ
ಖಾಲಿ ಅಂಗಳದ ಬಾಳಿನಲಿ
ನಿನ್ನ ಪ್ರೀತಿ  ನೆಲೆಸಿದೆ

ಮುಡಿದ ಮಲ್ಲೆ ಮರೆಗೆ ನಿಂತು
ಸುರಿದ ಮೋಡ ಸರಿದು ನಿಂತು  
ಪ್ರೀತಿ ಚಂದ್ರನ ಹಾಗೆ ಬಂದು
ತಂಪು ಎನಗೆ ನೀಡಿದೆ

ದರ್ಪಣಕೂ ಕೋಪ ಎನಗೆ
ನೋಡಿತಿಹುದು ನಿನ್ನನೇಕೆ?
ಅರ್ಪಣೆಯೇ  ನೀನ್ನ ರೂಪ   
ನನ್ನ ಹುಚ್ಚು ಪ್ರೀತಿಗೆ

ಮಧುರ ನೋಟ ಮರಳಿ  
ಹೃದಯ ತೋಟ ಅರಳಿ
ಅಮಲೇರಿಸುವ ಮಾದಕತೆ ಎಂಬ
ಪ್ರೀತಿ ಘಮವೇ ಬೀರಿದೆ.

Saturday, March 26, 2011

ನಮ್ಮ ಪ್ರೀತಿ

ಅವಳು ಪ್ರೀತಿಯ ಆಳ ಅರಿಯಲಿಲ್ಲ
ನಾನು ಪ್ರೀತಿಸಿ ಮೇಲೆ ಏಳಲಿಲ್ಲ
ಬತ್ತಿ ಹೋಯಿತೆ ನಮ್ಮ ಪ್ರೀತಿ

ಮುತ್ತು ಉಂಟು ಚಿಪ್ಪಿನಲ್ಲಿ
ತುತ್ತು ಮರೆಸಿತು ರೆಪ್ಪೆಯಲ್ಲಿ
ಹನಿಯಾಗಿ ಉರುಳಿತೆ ನಮ್ಮ ಪ್ರೀತಿ

ಚಂದ್ರನಿರುವ ಬಾನಿನಲ್ಲಿ
ಚುಕ್ಕೆಗೆಲ್ಲಿ ಜೀವ ಕಳೆ
ಮಿಂಚಿ ಮರೆಯಾಯಿತೆ ನಮ್ಮ ಪ್ರೀತಿ

ರಾಗದಿ ನುಡಿಸಿದ ಗಾನದಲ್ಲಿ
ತಾಳ ತಪ್ಪಿ ಬಾಳಿನಲ್ಲಿ
ಸಂತೆಯಲ್ಲಿ ಸಂಗೀತವಾಯಿತೆ ನಮ್ಮ ಪ್ರೀತಿ

ನಶೆಯೂ ಉಂಟು ಶೀಷೆಯಲಿ
ದಿಶೆಯ ತಪ್ಪಿ ಗುಂಗಿನಲಿ
ಗಾಳಿಪಟದಂತೆ ತೇಲಿಹೋಯಿತೆ ನಮ್ಮ ಪ್ರೀತಿ